Тэрбумтны иx сургууль

Та хүүхдээ дэлхийн хамгийн баян хүмүүсийн нэг болгохыг хүсч байвал Харвардын их сургуульд оруулаарай. Харвард 5400 гаруй нөлөө бүхий баян, дэлхийн тэрбумтнуудын таваас илүү хувийг төгсгөсөн гэж онцолдог. 54 тэрбумтан төгссөний 11нь бакалавр, 41 нь мастер, докторын зэрэгтэй. Харвардын топ арван төгсөгчийн тоонд эдийн засгийн сургуульд сурч байсан Филип Фалкони, бизнесийн удирдлагын мастераар төгссөн Жон Полсон, даатгалын сангийн менежер Кен Гриффин ордог.

Харвардад сурч байгаад хасагдсан тэрбумтнууд бас бий. Майкрософт компанийн үндэслэгч Билл Гейтс, Фейсбүүк зохион бүтээсэн Марк Зукерберг нар хасагдаж байжээ. Харвардын дараа орох тэрбумтны их сургууль бол Стэнфордын их сургууль. Уаhоо-г үндэслэгчдийн нэг Жерри Янг оролцуулаад нийт 2500-гаад баян төгсгөсөн.

Тэрбумтны тоогоороо гуравт орох сургууль Пенсилваний их сургууль. 18 тэрбумтан энэ их сургуулийг төгссөн. Жагсаалтын дөрөвдүгээрт Yale их сургууль 16 тэрбумтан, үүний дараагаар Массачуссетсийн технологийн сургууль 11,Нортвестерн их сургууль 10, Чикогогийн их сургууль 10, Корнел их сургууль 9, Калифорнийн их сургуулийг 9 тэрбумтан төгссөн гэх мэт үргэлжилнэ. Гэхдээ мэдээжийн хэрэг тэрбумтан болохын тулд заавал Харвард юмуу Стэнфордыг төгсөх албагүй, өнгөрсөн жил "Форбс" сэтгүүлээс шалгаруулсан дэлхийн тэргүүн 400 баяны жагсаалтад их сургууль төгсөөгүй 46 хүн оржээ.

I'm reading: Тэрбумтны иx сургуульЦааш нь жиргэх!