Бямба гаригт "Реал", "Барселона"-ийн "шинэ цэргүүд" Кака болон Златан Ибрагимович нар өөрсдийн өндөр зэрэглэлийн тоглогчид болохоо харуулж нэг гоол, гурван оновчтой дамжуулалт өгснөөр багууд нь айлын талбай дээр ээлжит ялалтаа байгууллаа.
Өөрсдийн шинэхэн "Корнелья-Эль-Прат" цэнгэлдэхдээ анхны тоглолтоо хийж буй "Эспаньол" "Реал"-д олигтой эсэргүүцэл үзүүлж чадсангүй. Каталончууд хичнээн ч эсэргүүцэл үзүүлээд "Реал"-ыг барсангүй, 3:0-оор бут ниргүүллээ. Тоглолтын 39 дэх минутад Эстебан Гранеро Какагийн дамжуулалтаар эхний гоолыг оруулсан бол хоёр дахь гоолыг Гути мөн л Какагийн дамжуулалтаар хийжээ. Харин тоглолтын эцсийн цэгийг шүүгчийн мэдлийн цагт Криштиану Роналду тавилаа.
"Барселона" ч хоёр дахь ялалтаа байгууллаа. Энэ удаа тэд "Хетафе”-г 2:0-ээр буулган авсан байна. "Барса"-гийн Швед довтлогч Златан Ибрагимович Эрик Абидалын дамжуулалтаар Ла лигийн анхны гоолоо орууллаа. Тоглолт дуусахаас арваад минутын өмнө Лионель Месси сүүлчийн гоолыг хийсэн байна. Энэ удаа Ибра оновчтой дамжуулалт өгчээ. Харин "Атлетико" энэ өдөр талбай дээрээ "Расинг”-тай 1:1-ээр эвийн гэрээ байгуулжээ. Эхний үе дуусахын өмнөхөн талбайн эзэд Хосе Мануэль Хурадотйн гоолын ачаар тэргүүлж эхэлсэн ч хоёрдугаар үеийн эхэнд "Расинг"-ийн Оскар Серрано тооны харьцааг тэнцүүлж чаджээ. Энэ өдрийн сүүлчийн тоглолтод "Севилья" "Сарагох;"-ыг4:1 -ээр бут ниргэлээ. Луис Фабиано дубл хийсэн байна.
Төрөл:
Мэдээ мэдээлэл,
Спорт
Цааш нь жиргэх!
Previous Article
